கோடம்பாக்கத்தில் செய்திக்குப் பஞ்சமென்றால் படங்களுக்கு தலைப்பு வைப்பதை ஒரு தொழிலாகவே வைத்திருகிறது கோலிவுட் மீடியா.
சசிகுமார் இயக்கி வரும் பெயரிடப்படாத படத்துக்கு முதலில் ‘நகரம்’ என்றும் ‘பிறகு’ கார்கில் என்றும் மீடியாவே பெயர் வைத்தது.
இரண்டுமே தலைப்பில்லை என்று மறுத்தார் இயக்குனர். அடுத்து கௌதம் இயக்கத்தில் அஜித் நடிக்க இருக்கும் படத்துக்கு துப்பறியும் ஆனந்த் என்று அடித்து விட்டார்கள்.
கற்பனை டைட்டில் வைத்த நேரமோ என்னவோ அந்தப் படம் டிராப். அடுத்து இயக்குனர் ஹரி, தனுஷை இயக்க இருக்கும் படத்துக்கு அறுவா என்று முதலிலும் சிவகங்கை என்று இப்போதும் பெயர் வைத்து எழுதிக்கொண்டிருகிறார்கள் நமது மக்கள்.
கலைஞானி பாக்கெட் உள்ளேயே கையை விட்டு, மகனே நீ இப்படிதானே டைட்டில் வைப்பே என்று ‘யாவரும் கேளீர்’ என்று டைட்டில் வைக்க,
‘அடடே! இந்த டைட்டில் நல்லா இருக்கே ‘ என்று கமல் உருகினாலும் ‘இல்ல சார் கமர்சியலா ஒரு டைட்டில் வேணும்’ என்று இயக்குனர் ரவிகுமார் பிடிவாதம் பிடிக்க,
எழுத்தாளர் இரா.முருகன் சொன்ன தலைப்புதான் மன்மதன் அன்பு என்கிறார்கள். இந்த பெயர் சூட்டு விழாவில் விஜய் படங்கள் மட்டும் விதிவிலக்கா என்ன?
தற்போது மலையாள பாடிகார்டு படத்தின் ரீமேக்கில் நடித்து வரும் விஜய் படத்துக்கு காவல்காரன் என்ற டைட்டிலை முன் மொழிந்தார்கள்.
ஆனால் எம்.ஜி.ஆர் படத்தலைப்புகள் தனக்கு ராசியில்லை என்பதை கண்டறிந்த விஜய், “ பிரஸ் அண்ணா, மன்னிச்சு கோங்கன்னா”
உங்க டைட்டில்ல பாதி எடுத்துகிறோம் என்று முதலில் டைட்டில் வைத்த பிரபல காலை நாளிதழின் சினிமா செய்தியாளரை கூப்பிட்டுச் சொன்னாராம் விஜய் செம குஷி மூடில்.
குஷி மூடுக்கு காரணம், பெஃப்ஸியின் முக்கிய தலைகளான குகநாதன், பெப்ஸி விஜயன் இருவரும், “ உங்கப் படத்துக்கு அசின் பிரச்சனை வராம பார்த்துகிறோம்.
கவலைய விடுங்க தம்பி” என்று உறுதி கொடுத்து விட்டார்களாம். அதேபோல ரீமேக் ரைட் பிரச்சனையை கிளப்பும் பாடிகார்டு மலையாள தயாரிப்பாளருகு ஒரு நிவாரணத்தொகையை செட்டில் செய்ய ஒப்புகொண்டுவிட்டாரம் சித்திக்.
இதற்கிடையில் ஜெயம் ராஜா இயக்கத்தில் விஜய் நடிக்கும் வேலாயுதம் படத்தின் தொடக்கவிழா ஜூலை 15-ஆம் தேதி பிரமாண்ட விழாவாக சென்னையில் நடக்கிறது… ஓ..! புரியுது !
போறப் போக்குல சித்திக் இயக்குற படத்தோட தலைப்பை சொல்ல மறந்துடப் போறீங்கன்னு நினைகிறீங்களா?
அப்படியே கொஞ்சம் மேல போய், இந்த செய்தியின் தலைப்பை இன்னொருமுறை படிங்க! அதுதான் விஜய்- அசின் ஜோடி சேரும் படத்தோட தலைப்பு.
No comments:
Post a Comment